უკრაინის პრეზიდენტის ადმინისტრაციის უფროსის მრჩევლის, ალექსეი არესტოვიჩის განცხადებით, საქართველოს შანსები გახდეს NATO-ს წევრი უფრო მაღალია, ვიდრე უკრაინის. ამაზე არესტოვიჩმა ამერიკის ხმასთან ინტერვიუში ისაუბრა.

"შანსები საქართველოსთვის, გახდეს NATO-ს წევრი უფრო მაღალია, ვიდრე უკრაინისთვის, უბრალოდ, სიდიდიდან გამომდინარე, რუსეთის ფედერაციამ ეს კომპრომისულად შეიძლება ჩათვალოს. თქვას, რომ 4-მილიონიანი საქართველო არ წარმოადგენს დიდ საფრთხეს რუსეთის ფედერაციისთვის, 40-მილიონიანი უკრაინა კი წარმოადგენს, ამიტომ ისინი შეიძლება გაცვლაზე წავიდნენ — უკრაინა არა და საქართველო კი, თუმცა ეს ზოგადი საუბარია, დამოკიდებულია ამ ომის შედეგებზე, როცა რუსეთის პოზიციები შესუსტდება და მათი პოზიციები, ვინც თვლის, რომ უკრაინა და საქართველო NATO-ში უნდა იყოს, გაძლიერდება", — თქვა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში