უკრაინის დაზვერვა აცხადებს, რომ რუსეთი დნესტრისპირეთზე სარაკეტო თავდასხმას ამზადებს, რასაც შესაძლოა, მსხვერპლი მოჰყვეს.

მათი ცნობით, ხალხი უკრაინის შეიარაღებული ძალებისა და სპეცსამსახურების სახელით შეტყობინებებს იღებს, სადაც დნესტრისპირეთის ტერიტორიაზე სარაკეტო და საარტილერიო თავდასხმის შესახებ წერია.

"უკრაინის უსაფრთხოების სამსახური მშვიდობიან მოსახლეობას უსაფრთხო რეგიონებში ევაკუაციისკენ მოუწოდებს. გარწმუნებთ, რომ უკრაინის შეიარაღებული ძალებს მშვიდობიანი მოსახლეობისთვის ზიანის მოტანა არ სურთ, მაგრამ ქალაქში დარჩენილები დივერსიულ ჯგუფებად იქნებიან აღქმულები და გაფრთხილების გარეშე მოხდება მათი ლიკვიდაცია. ზუსტად 19:00 საათზე დაიწყება რესპუბლიკის ტერიტორიაზე ობიექტების სარაკეტო და საარტილერიო დაბომბვა", — აღნიშნულია ხალხისთვის გაგზავნილ შეტყობინებებში.

უკრაინა აცხადებს, რომ მსგავს პროვოკაციებთან სახელმწიფოს არანაირი კავშირი არ აქვს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში