რუსეთმა 40 გერმანელი დიპლომატი პერსონა ნონ გრატად გამოაცხადა. რუსეთის საგარეო საქმეთა სამინისტროს განცხადებაში ნათქვამია, რომ გადაწყვეტილება გერმანიის მიერ ამდენივე რუსი დიპლომატის გაძევების საპასუხოდ მიიღო.

უწყებაში ამბობენ, რომ გადაწყვეტილება მას შემდეგ მიიღეს, რაც 4 აპრილს გერმანიამ რუსეთის საელჩოს "მნიშვნელოვანი რაოდენობის" წარმომადგენელი "არასასურველ" პირებად გამოაცხადა.

გერმანიის საგარეო საქმეთა მინისტრის თქმით, ეს სიახლე მოულოდნელი არ ყოფილა და დასძინა, რომ რუსეთი დიმპლომატების გაძევებით მხოლოდ საკუთარ თავს აყენებს ზიანს.

გერმანია ერთ-ერთ პირველი ევროპული ქვეყანა იყო, რომელმაც ბუჩაში მშვიდობიანი მოსახლეობის ცხედრების აღმოჩენის შემდეგ ქვეყნიდან რუსი დიპლომატები გააძევა.