უკრაინის უშიშროების სამსახური გამოეხმაურა რუსეთის ბრალდებას, რომ FSB-მ დააკავა ნეონაცისტების ჯგუფი, რომლებსაც უკრაინისგან დავალებული ჰქონდათ კრემლის პროპაგანდისტის, ვლადიმერ სოლოვიოვის მკვლელობა. უწყება ბრალდებას უარყოფს და ამბობს, რომ მათ მსგავსი გეგმა არ აქვთ, თუმცა შესაძლოა სოლოვიოვი თავისით ჩაიხრჩოს საკუთარი პროპაგანდისტული საქმიანობის "პროდუქტში".

"SBU-ს სოლოვიოვის მკვლელობის არანაირი გეგმა არ აქვს. ამავდროულად, ყალბი და ანტიუკრაინული სიძულვილის რაოდენობის გათვალისწინებით, რომელსაც ეს ადამიანი ავრცელებს, ის შესაძლოა თავად დაიხრჩოს საკუთარი დაბალი დონის პროპაგანდისტული საქმიანობის "პროდუქტებში", — წერს უკრაინის უშიშროების სამსახური.

უწყების თქმით, სისტემატურად მუშაობენ ქვეყნის უსაფრთხოების გასაძლიერებლად და არ აპირებენ სერიოზული კომენტარის გაკეთებას რუსული სპეცსამსახურების ახალ ფანტაზიებზე.