პუტინის პრესსპიკერის, დმიტრი პესკოვის განცხადებით, უკრაინას მხარეს გადასცა დოკუმენტი, რომელიც "მკაფიო" ფორმულირებებს შეიცავს. პროპაგანდისტული მედიის, RIA-ს ცნობით, პესკოვი ამტკიცებს, რომ "ბურთი უკრაინის მხარესაა".

"ამჟამად უკრაინულ მხარეს გადაეცა ჩვენი დოკუმენტის პროექტი, რომელიც შეიცავს აბსოლუტურად მკაფიო და შემუშავებულ ფორმულირებებს. ბურთი მათ მხარესაა. ველოდებით პასუხს", — აცხადებს პესკოვი.

პესკოვი ფიქრობს, რომ უკრაინა სცილდება მოლაპარაკებების გზას და იმუქრება, რომ "ამას ცუდი შედეგები მოჰყვება".

უკრაინასა და რუსეთს შორის მოლაპარაკებების ბოლო რაუნდი 29 მარტს სტამბულში შედგა, როდესაც დელეგაციები ერთმანეთს შეხვდნენ, მანამდე იყო ორი ქვეყნის საგარეო საქმეთა მინისტრების შეხვედრა.

ამ ეტაპზე მოლაპარაკებების პროცესი გაყინულია. როგორც უკრაინის პრეზიდენტის ოფისის ხელმძღვანელის მრჩეველი მიხაილო პოდოლიაკი ამბობს, რთულია იმის თქმა, როდის შედგება მოლაპარაკებების შემდეგი პირდაპირი დიალოგი. მისი თქმით, რუსეთი ომის მე-2 ფაზაზე დიდ ფსონს დებს.

უკრაინის პრეზიდენტი ვოლოდიმირ ზელენსკი და საგარეო საქმეთა მინისტრი დმიტრო კულება ამბობენ, რომ მარიუპოლი მოლაპარაკებების პროცესში, შესაძლოა წითელი ხაზი გახდეს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.