ბრიტანეთის პრემიერმინისტრის, ბორის ჯონსონის განცხადებით, რუსეთის ომი უკრაინაში "საარტილერიო კონფლიქტად" გადაიქცევა, ამიტომ ბრიტანეთი უკრაინის დახმარებას გააძლიერებს. BBC წერს, რომ ამის შესახებ მან პარლამენტში ისაუბრა.

"უკრაინას სჭირდება მეტი მხარდაჭერა არტილერიით და ეს ის არის, რასაც ჩვენ მათ მივცემთ", — განაცხადა ჯონსონმა.

ცოტა ხნის წინ საარტილერიო დახმარების გაზრდაზე კომენტარი გააკეთა აშშ-ის პრეზიდენტმა, ჯო ბაიდენმაც. ჟურნალისტების კითხვაზე, მიაწვდის თუ არა აშშ უკრაინას მეტ არტილერიას, ბაიდენმა დადებითი პასუხი გასცა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში