თურქეთის თავდაცვის მინისდტრის, ჰულუსი აკარის განცხადებით, თურქეთის სამხედრო თვითმფრინავებმა და დრონებმა ქურთულ სამხედრო ობიექტებს შეუტიეს ჩრდილოეთ ერაყში.

"ოპერაცია წარმატებით ხორციელდება, როგორც დაგეგმილია", — განაცხადა მან Anadolu news agency-სთან.

მინისტრის თქმით, ოპერაცია მიზნად ტერორისტული თავდასხმების თავიდან არიდებასა და საზღვრის უსაფრთხოების უზნრუველყოფას ისახავს.

"გადავწყვიტეთ, გადავარჩინოთ ჩვენი კეთილშობილი ერი ტერორიზმის უბედურებისგან, რომელიც ჩვენს ქვეყანას 40 წელია აწუხებს", — აცხადებს აკარი.

შეტევა ერაყსა და სირიაში თურქეთის კამპანიის ნაწილია ქურთისტანის მუშათა პარტიისა (PKK) და სირიული ქურთული მილიციის (YPG) წინააღმდეგ, რომლებსაც ანკარა ტერორისტულ ჯგუფებად აღიარებს. PKK-ს ტერორისტულ ორგანიზაციად აღიარებს შეერთებული შტატები და ევროკავშირიც.

ჯგუფმა თურქული სახელმწიფოს წინააღმდეგ პირველად იარაღი 1984 წელს აიღო და მას შემდეგ კონფლიქტის შედეგად 40 000-ზე მეტი ადამიანი გარდაიცვალა.