საქართველოს პრეზიდენტმა, გიორგი მარგველაშვილმა ამერიკის შეერთებული შტატებთან საქართველოს სტრატეგიული პარტნიორობის ერთ-ერთ მიღწევად ევროპული სახელმწიფოს მშენებლობა დაასახელა. ამის შესახებ მან საქართველოს აშშ-სთან 25 წლის იუბილესთან დაკავშირებით გამართულ ღონისძიებაზე ისაუბრა.

"მნიშვნელოვან გამარჯვებას მივაღწიეთ საერთაშორისო არენაზე. ამერიკელ მოკავშირეებთან და მეგობრებთან ერთად მივაღწიეთ გამარჯვებას არაღიარების პოლიტიკაში. მთელს მსოფლიოში არ არის ქვეყანა, რომელიც იღებს, ან კითხვის ქვეშ აყენებს საქართველოს სუვერენიტეტსა და ტერიტორიულ მთლიანობას,"- განაცხადა მარგველაშვილმა.

მისი თქმით, მნიშვნელოვანი იყო წელს საქართველოში ამერიკელი სენატორების ვიზიტი. მას მიაჩნია, რომ ამ ნაბიჯმა განსაზღვრეს და აჩვენეს რამდენად მტკიცედ დგას საქართველო და ამერიკა საერთო გზაზე და საერთო ღირებულებების მატარებლები არიან.