კიევის რეგიონში, დედაქალაქთან ახლოს ქალაქ ბროვარიზე რუსეთმა საჰაერო იერიში მიიტანა, რის შედეგადაც ინფრასტრუქტურული ობიექტები დაზიანდა. ინფორმაციას Unian ქალაქის მერ, იგორ საპოჟკოზე დაყრდნობით ავრცელებს.

მერმა ვიდეომიმართვა ჩაწერა და მოსახლეობას სიმშვიდის შენარჩუნებისკენ მოუწოდა. ამ დროისთვის არ ვრცელდება ინფორმაცია დაღუპულებისა და დაჭრილების შესახებ.

როგორც Reuters წერს, რუსეთის თავდაცვის სამინისტროს სპიკერი, იგორ კონაშენკოვი ამტკიცებს, რომ ბროვარიში მათ საბრძოლო მასალის ქარხანა დააზიანეს.

ბოლო დღეებია რუსეთმა განაახლა კიევის რეგიონზე თავდასხმა. გუშინ, 16 აპრილს კიევის მერმა, კლიჩკომ გაავრცელა ინფორმაცია, რომ დილით რუსმა ოკუპანტებმა კიევს ცეცხლი გაუხსნეს. როგორც მან ტელეგრმაზე დაწერა, აფეთქებები დარნიცკის რაიონში მოხდა. მოგვიანებით ცნობილი გახდა, რომ ამ თავდასხმას ერთი ადამიანის სიცოცხლე ემსხვერპლა.