შვეიცარიამ რუსეთისა და ბელარუსის წინააღმდეგ ევროკავშირის სანქციების უახლესი პაკეტი მიიღო. ამასთან, დამატებით დაასანქცირა 200 პირი, მათ შორის, რუსეთის პრეზიდენტის, ვლადიმერ პუტინის ორი შვილი.

"შვეიცარიის სანქციების სია ახლა სრულად ემთხვევა ევროკავშირისას", — აღნიშნულია განცხადებაში.

5 აპრილს ევროკავშირმა სანქციების ახალი პაკეტი წარადგინა, რომელიც რუსეთიდან ქვანახშირის იმპორტის აკრძალვას, 4 ძირითად რუსულ ბანკთან ტრანზაქციების სრულ აკრძალვასა და სხვა შეზღუდვებს მოიცავს. როგორც ევროკომისიის პრეზიდენტმა, ურსულა ფონ დერ ლაიენმა ისაუბრა, ისინი დამატებითი სანქციების დაწესებაზე მუშაობენ.

ამასთან, აშშ-ს მიერ ბოლოს დაწესებულ საქნციებიში მოხვდნენ ვლადიმერ პუტინის შვილები და სერგეი ლავროვის ოჯახის წევრები. რუსეთის პრეზიდენტის შვილებს სანქციები დაუწესა დიდმა ბრიტანეთმაც.