8 ვარსკვლავური დედმამიშვილი, რომლებმაც ჰოლივუდი საოჯახო ბიზნესად აქციეს

ჰოლივუდი უამრავ წარმატებულ და ნიჭიერ მსახიობს ითვლის, რომელთაც ერთმანეთისგან განსხვავებული გარეგნობა, წარმომავლობა, გამოცდილება თუ ხასიათი აქვთ. ვარსკვლავების ნაწილი ხშირად საკუთარ ოჯახში ერთადერთი ცნობილი ადამიანია, თუმცა ისეთ შემთხვევებსაც ვიცნობთ, როცა ჰოლივუდი ერთი ოჯახის რამდენიმე წევრმა დაიპყრო.

მაშ ასე, წარმოგიდგენთ ცნობილ დედმამიშვილებს, რომლებმაც ჰოლივუდი ოჯახურ ბიზნესად აქციეს:

1. ლიამ ჰემსვორტი, კრის ჰემსვორტი და ლუკ ჰემსვორტი

ლიამი შიმშილის თამაშების ვარსკვლავია, კრის ჰემსვორტს საზოგადოება ყველაზე კარგად თორის როლით იცნობს, ხოლო ლუკი სერიალ Westworld-ში თამაშობს.

2. კარდაშიანები

რობ კარდაშიანი, კიმ კარდაშიანი, კორტნი კარდაშიანი, ქლოი კარდაშიანი, კაილი ჯენერი და კენდალ ჯენერი დედასთან ერთად რეალითი შოუს სამყაროს ნამდვილი ვარსკვლავები არიან.

3. მერი-ქეით, ეშლი და ელიზაბეთ ოლსენები

ტყუპები — მერი-ქეითი და ეშლი 90-იანებსა და ადრეულ 2000-იან წლებში უამრავ ფილმში მონაწილეობდნენ. ელიზაბეთ ოლსენს კი საზოგადოება განსაკუთრებით კარგად ვანდა მაქსიმოვის როლით იცნობს.

4. ბოლდუინები

ალეკ, სტივენ, ბილი და დენიელ ბოლდუინების სახელები ჰოლივუდში კარგადაა ცნობილი. ისინი მსახიობების, პროდიუსერებისა და რეჟისორების ამპლუაში ხშირად გვევლინებიან.

5. რალფ და ჯოზეფ ფაინსები

რალფ ფაინსის კინემატოგრაფია უამრავ პროექტს მოიცავს, თუმცა მას ვოლდემორის როლით თითქმის ყველა კარგად იცნობს. ჯოზეფმა კი თავი ყველაზე მეტად მხევლის წიგნში შესრულებული როლით დაგვამახსოვრა.

6. დაკოტა და ელ ფენინგები

დაკოტა და ელ ფენინგების შემოქმედება უამრავ ფილმსა თუ პროექტს ითვლის. დები ჰოლივუდში ბავშვობიდან დღემდე თითქმის ერთნაირი წარმატებით მოღვაწეობენ.

7. რუნი მარა და ქეით მარა

რუნის როლებს შორის ერთ-ერთი ყველაზე დასამახსოვრებელი ლიზბეთ სალანდერია, ქეით მარამ კი თავი Brokeback Mountain-ითა და House of Cards-ით დაგვამახსოვრა.

8. ბენ და კეისი აფლეკები

ბენ აფლეკის როლებს შორის განსაკუთრებულად დასამახსოვრებელი ბეტმენის პერსონაჟია. მისი ფილმოგრაფია ისეთ ფილმებს მოიცავს, როგორებიცაა Good Will Hunting, Armagedon, Gone Girl და ა.შ. კეისის საზოგადოება ისეთი ფილმებით იცნობს, როგორებიცაა American Pie, Interstellar, Manchester By The Sea და სხვ.

ბოლო ამბები:

გირჩევთ