Demnagram ინსტაგრამზე საბა ბახიას მიერ შექმნილი ანგარიშია, რომელიც საზოგადოებას ბალენსიაგას კრეატიული დირექტორის, დემნა გვასალიასა და მისი შემოქმედების შესახებ მუდამ სწრაფ და ამომწურავ ინფორმაციას სთავაზობს.

ცოტა ხნის წინ საბა ბახიამ დაწერა, რომ ბალენსიაგას გუნდს შეუერთდა და მოდის სახლი DEMNAGRAM-ის ოფიციალური მხარდამჭერი გახდა.

"DEMNAGRAM is officially supported by BALENCIAGA! არასდროს წარმომედგინა, თუ ოდესმე ამას ვიტყოდი! შრომა ყოველთვის ფასდება და ამაში კიდევ ერთხელ დავრწმუნდი.ჩემი გვერდის მნიშვნელობა ყოველთვის გააზრებული მქონდა, მაგრამ ის, თუ როგორ განვითარდა ყველაფერი, მაინც ძალიან წარმოუდგენელია. 2017 წელს, მაშინ, როდესაც ჯერ კიდევ არ მქონდა DEMNAGRAM გვერდი, დემნამ მომწერა: "გჯეროდეს შენი თავის, მიჰყევი შენს ოცნებებს და ეს აუცილებლად კარგ ადგილას მიგიყვანს", — და ზუსტად ასე მოხდა.

წარმოუდგენელი შეგრძნებაა, როდესაც აცნობიერებ, რომ ოცნებები მართლა ხდება და, რომ ყველაფრის მიღწევაა შესაძლებელი, თუ ამისთვის ბევრს იშრომებ. მიჭირს სიტყვებით ჩემი ემოციების გადმოცემა. დემნამ სრულად შეცვალა ჩემი ხედვა მოდისადმი. სამუდამოდ მადლობელი ვიქნები შენი დემნა! YOU ARE MY FOREVER HERO", — წერს საბა საკუთარ ფეისბუქგვერდზე.

აღსანიშნავია, რომ საბა ბახია ბალენსიაგას 2022 წლის შემოდგომა/ზამთრის ჩვენებას პირადად ესწრებოდა. საბამ ონლაინგამოცემა Fashionholics Online-ს უთხრა, რომ ჩვენებაზე დემნამ პირადად მიიწვია.