ამერიკის შეერთებული შტატების თავდაცვის მდივანმა, ლოიდ ოსტინმა პირველად საჯაროდ განაცხადა, რომ აშშ უკრაინას დონბასში ოპერაციების ჩასატარებლად სადაზვერვო ინფორმაციას აწვდის.

სენატის შეიარაღებული ძალების კომიტეტის წინაშე გამოსვლისას ოსტინს ჰკითხეს, აწვდიდა თუ არა სადაზვერვო ინფორმაციას აშშ უკრაინას, რათა დახმარებოდა შეტევების განხორციელებაში რუსულ არმიაზე ოკუპირებულ დონბასის რეგიონში ან ყირიმში.

"ჩვენ ვაძლევთ მათ სადაზვერვო ინფორმაციას, რათა ჩაატარონ ასეთი ოპერაციები დონბასში. ეს ასეა", — თქვა ოსტინმა.

საგულისხმოა, რომ თავდაცვის მდივანს არ უხსენებია ყირიმი მის პასუხში.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში