ქართული ოცნების დეპუტატი, დავით კაჭარავა კითხვაზე, ეთანხმება თუ არა პრემიერმინისტრის, ირაკლი ღარიბაშვილის განცხადებას, რომ უკრაინა ომით "დაისაჯა", ამბობს, რომ ტექსტი სრულად არ მოუსმენია, თუმცა "შეიძლება დასჯაც იყოს".

"კონკრეტული კონტექსტიდან გამომდინარე, ზუსტად არ მომისმენია რას გულისხმობდა პრემიერი, მთელი ტექსტი არ მომისმენია, მაგრამ შეიძლება დასჯაც იყოს", — უთხრა მან ფორმულას.

კითხვაზე, საქართველო რატომ არ გახდა სანქციების ნაწილი, დეპუტატი პასუხობს:

"ჩვენ ისედაც ვართ სანქციების ნაწილი".

გუშინ, 3 აპრილს ღარიბაშვილმა თქვა, რომ ჯერ კიდევ 25 თებერვალს საუბრობდა იმაზე, რომ უკრაინაში მიმდინარე ომში უკრაინა "დაიჩაგრებოდა და დაისჯებოდა" და დასძინა, რომ ამის შემჩერებელი ჯერჯერობით არავინაა.

ამავე თემაზე: