ბრიტანეთის პრემიერმინისტრის, ბორის ჯონსონის განცხადებით, რუსეთსა და უკრაინას შორის ცეცხლის შეწყვეტის შეთანხმება არ იქნება საკმარისი, რომ რუსეთს ბრიტანეთმა სანქციები მოუხსნას. ინფორმაციას Reuters ავრცელებს.

"პრემიერმინისტრმა თქვა, რომ მხოლოდ ცეცხლის შეწყვეტა არ იქნება საკმარისი რუსეთისთვის ბრიტანეთის სანქციების მოსახსნელად. მისი განცხადებით, ზეწოლა [რუსეთის პრეზიდენტ ვლადიმერ პუტინზე] უნდა გაიზარდოს, როგორც შემდგომი ეკონომიკური ზომებით, ასევე, სამხედრო დახმარების მიწოდებით, რათა მოხდეს რუსეთის კურსის სრული ცვლილება", — აღნიშნა პრემიერმინისტრის სპიკერმა ჟურნალისტებთან.

დღეს რუსეთისა და უკრაინის დელეგაციებს შორის სტამბულში მორიგი მოლაპარაკებები გაიმართა. შეხვედრის შემდეგ უკრაინულმა მხარემ ისაუბრა იმაზე, თუ რა განიხილეს და რისთვის არიან მზად მოლაპარკებების პროცესში. ძირითადი ყურადღება მათ უსაფრთხოების გარანტიების მიღების საკითხს დაუთმეს.

გაიგეთ მეტი:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში