დროებით ოკუპირებული ტერიტორიების რეინტეგრაციის მინისტრი ირინა ვერეშჩუკი იმედოვნებს, რომ უკრაინა მალე დაიბრუნებს კუნძულ ზმეინის ტყვედ ჩავარდნილ მესაზღვრეებს. უკრაინულ მედია, სუსპილნესთან საუბრისას მან განაცხადა, რომ რუსეთის სახალხო დამცველმა გამოთქვა სურვილი რუსი მეზღვაურების დაბრუნებაზე.

"რუსეთის ფედერაციის 11 მეზღვაურია და მზად ვართ გავცეთ ისინი, რისთვის გვჭირდება, ოღონდ ჩვენი ხალხი გადმოგვცენ.

მათ (რუსეთის ფედერაციამ) გამოთქვეს მეზღვაურების გაცვლის სურვილი, რომლებიც, სხვათა შორის, გადაარჩინეს, ისინი შავ ზღვაში იხრჩობოდნენ. და იმედი მაქვს, მალე გავცვლით. მაგრამ ფაქტია, რომ იქ მხოლოდ მეზღვაურები არ არიან, არამედ, როგორც აღმოჩნდა, 92 ადამიანი, თუ არ ვცდები, ვინც ტყვედ აიყვანეს", — განაცხადა მან.

ვერეშჩუკის თქმით, რუსეთის ომბუდსმენმა მიმართა მას პარიტეტული გაცვლის შესაძლებლობის შესახებ: მეზღვაური მეზღვაურისთვის, მძღოლი მძღოლისთვის.

"მე ვამბობ — კარგი, მაგრამ მითხარით, გთხოვთ, ვის უნდა გავცვალოთ ჩვენი ქალაქის მერებში, რომლებიც დამპყრობლება ტყვედ აიყვანეს? ჩვენც უნდა ავიყვანოთ ტყვედ თქვენი მშვიდობიანი მოქალაქეები? რა ვქნათ, თუ პარიტეტზეა საუბარი. ომის ტყვეებსნ გაცვლის თავისი პროცედურა აქვთ, არის ბარათები, რომლებისაც წარადგენს რუსეთის ფედერაცია, რომელსაც ჩვენ წარვადგენთ", — განაცხადა მან.

კუნძულ ზმეინის მცველები ბოლო პერიოდის ყველაზე ცნობილი ფრაზის — "რუსულო სამხედრო გემო, იძი ნა ხ*ი" — ავტორები არიან. სწორედ ასე უპასუხეს მათ რუსეთის მოთხოვნას დანებების შესახებ.

24 თებერვალს გავრცელდა ინფორმაცია, რომ კუნძულ ზმეინიზე, რომელსაც რუსები დღის განმავლობაში ბომბავდნენ ყველა მათგანი, 13 უკრაინელი სამხედრო დაიღუპა. 28 თებერვალს კი უკრაინის შეიარაღებული ძალები გენერალურმა შტაბმა განაცხადა, რომ კუნძულ ზმეინის მესაზღვრეები და საზღვაო ქვეითები რუსმა ოკუპანტებმა ტყვედ აიყვანეს.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში