უკვე 20 დღეზე მეტია, რაც რუსეთი უკრაინაში შეიჭრა და მშვიდობიანი მოსახლეობის წინააღმდეგ სრულმასშტაბიან ომს აწარმოებს. ამ დროის განმავლობაში ქვეყნის დედაქალაქში, კიევში, 725 ბავშვი დაიბადა.

ამის შესახებ ინფორმაცია ქალაქ კიევის სახელმწიფო ადმინისტრაციის წარმომადგენელმა, ნიკოლაი პოვორიზნიკმა გაავრცელა.

"მეგობრებო! ცხოვრება გრძელდება. და ამის მტკიცებულება კიევის სამშობიაროებში ახალშობილების რაოდენობაა. რუს ოკუპანტებთან ოცდღიანი ომის განმავლობაში უკრაინის დედაქალაქში 725 ახალშობილი გაჩნდა: 388 ბიჭი და 337 გოგო. მათ შორის 12 ტყუპია", — დაწერა მან.