რუსების მფლობელობაში მყოფი იახტა ჩრდილოეთ ნორვეგიაშია ჩარჩენილი, რადგან ადგილობრივი ნავთობის მიმწოდებლები უარს ამბობენ საწვავის შევსებაზე. ამის შესახებ The New York Times წერს.

მედიის ცნობით, იახტას, სახელად რაგნარი, რუსი ოლიგარქი, კგბ-ს ყოფილი აგენტი, ვლადიმერ სტრჟალოვსკი ფლობს — ის რუსეთის პრეზიდენტის, ვლადიმერ პუტინის დიდი ხნის თანამოაზრეა. ასევე, იკავებდა მინისტრის მოადგილის პოსტს.

მიუხედავად იმისა, რომ სტრჟალოვსკი ევროკავშირის მიერ დაწესებული სანქციების სიაში არ არის, ნორვეგიელი პოლიტიკოსების ნაწილი მთავრობას მოუწოდებს, რომ იახტა ჩამოართვან.

როგორც საგარეო საქმეთა მინისტრმა, ანიკენ ჰუიტფელდტმა ტელევიზიას განუცხადა, ნორვეგიული კანონი, ევროკავშირის მითითებების გარეშე, ამის გაკეთებას კრძალავს. მისი თქმით, გამომდინარე იქიდან, რომ ნორვეგია არ არის ბლოკის წევრი, ვერ გამოვა საკუთარი შეთავაზებით, ვინ დაამატონ სიაში.

გემი ნორვეგიის ჩრდილოეთით, საპორტო ქალაქ ნარვიკში რამდენიმე კვირის წინ გაჩერდა. კაპიტანი, რობ ლანკასტერი ამბობს, რომ ისინი ეკიპაჟის წევრები არიან და მფლობელთან "არაფერი აქვთ საერთო". ნავთობის ადგილობრივი მომწოდებლის თქმით კი, ეკიპაჟის წევრებს შეუძლიათ სახლებში ნიჩბების დახმარებით გაცურონ, ან იალქანი გამოიყენონ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში