მას შემდეგ, რაც პრეზიდენტმა, სალომე ზურაბიშვილმა პარლამენტში ერთიანობასა და ერთობაზე მოწოდებები გააჟღერა ქართული ოცნების აღმასრულებელმა მდივანმა, მამუკა მდინარაძემ პრეზიდენტ სალომე ზურაბიშვილს ჰკითხა, ფიქრობს თუ არა, რომ მისი გამოსვლის შემდეგ "საკუთარი ქვეყნის წინააღმდეგ მოქმედი ადამიანები" და მათი ტელევიზიები "ზნეს შეიცვლიან".

"ერთიანობის და ერთობის მოწოდება არის ძალიან კარგი, თუმცა ამას აქვს საკმაოდ სკეპტიკური მხარეც, იმიტომ, რომ მეორე მხრივ, ჩვენ დღეს საქართველოში ჰიბრიდული ომის, საკუთარი ქვეყნის წინააღმდეგ მოქმედ ადამიანებს ვხედავთ. სამწუხაროა, რომ ამის თქმა გვიწევს. თქვენი გამოსვლის შემდეგ ქალბატონო სალომე, შეიძლება ვივარაუდოთ, რომ ეს ხალხი, მათი ტელევიზიები ზნეს შეიცვლიან და სხვაგვარად ილაპარაკებენ? აღარ დასვამენ შეკითხვას ამერიკის შეერთებული სტატებში სახელმწიფო დეპარტამენტის წარმომადგენლის წინაშე უკიდურესად დამაზიანებელს, როგორც თქვენც აღნიშნეთ?" — განაცხადა მან.

დღეს პარლამენტმა პრეზიდენტის მოხსნებას მოუსმინა. მისი სიტყვა უჩვეულოდ კრიტიკული აღმოჩნდა. ზურაბიშვილმა ღიად, შეფარული ტექსტების გარეშე გააკრიტიკა მთავრობისა და ოპოზიციის საჯარო განცხადებები და მათ "ცოდვები" შეახსენა. მეტიც, ზურაბიშვილმა ისიც კი თქვა, რომ ამ ეტაპზე საზოგადოება ბევრად ფხიზელი, შეგნებული, მამაცი და რაც მთავარია, ერთიანია, ვიდრე პარლამენტში მყოფი დეპუტატები. გარდა ამისა, პრეზიდენტმა არაერთხელ გამოხატა მხარდაჭერა უკრაინის მიმართ.

გაიგეთ მეტი პრეზიდენტის გამოსვლაზე: