თბილისში, გურამიშვილის ქუჩაზე მომხდარ ავტოსაგზაო შემთხვევას კაცი ემსხვერპლა. ავტობუსისა და მოტოციკლის შეჯახების შედეგად მოტოციკლისტი გარდაიცვალა.

შინაგან საქმეთა სამინისტროში On.ge-ს განუცხადეს, გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

შემთხვევა გუშინ მოხდა.