ბრიტანეთის მთავრობა თვეში 350 ფუნტს გამოუყოფს მოქალაქეებს, რომლებიც უკრაინელ ლტოლვილებს შეიფარებენ. მათი თქმით, ამის მიზანი კერძო პირების, საქველმოქმედო ორგანიზაციებისა და ბიზნესების წახალისებაა, რომ უკრაინიდან წამოსულ მოსახლეობას დახმარება გაუწიონ. ინფორმაციას ამის შესახებ NYT ავრცელებს.

მთავრობის განცხადებით, თანხა წარმოადგენს სიმბოლურ მადლობას, რომ ომის დროს უკრაინელები არ მიატოვეს. ის გადაეცემა მას, ვინც უკრაინიდან გამოქცეულ ლტოლვილებს, სულ მცირე, 6 თვის ვადით უფასო სახლს ან ოთახს შესთავაზებს.

"მე მოვუწოდებ ქვეყნის მასშტაბით მოქალაქეებს, რომ ამ ეროვნულ ძალისხმევას შეუერთდნენ და ჩვენს უკრაინელ მეგობრებს დახმარება შესთავაზონ. ერთად ჩვენ შეგვიძლია მივცეთ უსაფრთხო სახლი მათ, ვისაც ეს განსაკუთრებით სჭირდება", — განაცხადა დონის ამაღლების, საცხოვრებელი და თემების საკითხებში სახელმწიფო მდივანმა, მაიკლ გოუვიმ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში