უკრაინის პრეზიდენტის, ვოლოდიმირ ზელენსკის განცხადებით, ოკუპანტების დანაკარგების დინამიკა მე-17 დღეს ისეთია, მას დარწმუნებით შეუძლია იმის თქმა, რომ ათწლეულების განმავლობაში ეს არის ყველაზე დიდი დარტყმა რუსულ არმიაზე.

"ჩვენი შეიარაღებული ძალები ყველაფერს აკეთებენ იმისათვის, რომ მტერს წაართვან ნებისმიერი სურვილი უკრაინის წინააღმდეგ ომის გაგრძელების. რუსული არმიის დანაკარგები კოლოსალურია. ოკუპანტების დანაკარგების დინამიკა მე-17 დღეს ისეთია, რომ შეგვიძლია დარწმუნებით ვთქვათ — ეს არის ყველაზე დიდი დარტყმა რუსულ არმიაზე ათწლეულების განმავლობაში", — თქვა ზელენსკიმ.

მან აღნიშნა, რომ რუსეთის სამხედროები ტყვედ ბარდებიან უკრაინელებს, ან "გარბიან სახლში, რუსეთში". მისი თქმით, ახლა არ უნდა შემცირდეს წინააღმდეგობის მოძრაობა და მოქალაქეებს მიმართა, რომ ერთად უნდა იმუშაონ თავდაცვის გასაძლიერებლად.

"რუსეთის სამხედროები ტყვედ ბარდებიან, უკვე არა მხოლოდ ერთეულებად, არამედ მთელი ჯგუფით. ისინი ჯგუფურად ცდილობენ დატოვონ უკრაინის ტერიტორია და დაბრუნდნენ სახლში, რუსეთში", — ამბობს ის.

ზელენსკიმ ჩამოთვალა ის დანაკარგი, რაც რუსულმა არმიამ განიცადა შემოჭრის დღიდან. ამას ყოველდღიურად აქვეყნებს უკრაინის შეიარაღებული ძალების გენერალური შტაბი. დღევანდელ განცხადებაში ნათქვამი იყო, რომ ოკუპანტებმა დაკარგეს 353 ტანკი, 1 205 ჯავშანტექნიკა და სხვა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში