უკრაინის გენერალური პროკურატურის განცხადებით, 24 თებერვლიდან 11 მარტის ჩათვლით, უკრაინაში 79 ბავშვი დაიღუპა, 100-მდე კი დაშავდა. მათივე ინფორმაციით, დაღუპულთა და დაჭრილთა უმეტესობა არის კიევის, ხარკოვის, დონეცკის, სუმის, ხერსონის და ჟიტომირის ოლქებიდან.

უწყების ცნობთ, დანგრეულია 280-ზე მეტი სასწავლო დაწესებულება, მათგან 9 მთლიანად. მათი განცხადებით, დონეცკის ოლქში დაზიანდა 110 სასწავლო დაწესებულება, სუმის ოლქში — 28, კიევში — 17.

პროკურატურის განცხადებით, მონაცემი არ არის სრული, რადგან აქტიური საომარი მოქმედებების გამო, ვერ ხერხდება დაზარალებული ტერიტორიების სრულყოფილად დათვალიერება. როგორც უწყებაში ამბობენ, აგრძელებენ რუსეთის შეიარაღებული ძალების მიერ ჩადენილი ყველა დანაშაულის აღრიცხვას, რომელიც რუსეთის ფედერაციამ ბავშვების წინააღმდეგ ჩაიდინა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში