დიდმა ბრიტანეთმა რუსეთის დუმას 386 დეპუტატს სანქციები დაუწესა. როგორც გაერთიანებული სამეფოს საგარეო საქმეთა მინისტრმა, ლიზ ტრასმა განაცხადა, ეს ვლადიმერ პუტინის უკრაინაში ბარბაროსული შეჭრის მხარდაჭერით არის გამოწვეული.

ახალი სანქციები ითვალისწინებს აქტივების გაყინვასა და ბრიტანეთში მოგზაურობის აკრძალვას. განცხადებაში აღნიშნულია, რომ დეპუტატებს გაერთიანებულ სამეფოში ბიზნესის კეთება აეკრძალებათ.

"ჩვენ მიზანში ვიღებთ უკრაინაში პუტინის უკანონო შეჭრაში თანამონაწილეებს და მათ, ვინც ამ ბარბაროსულ ომს მხარს უჭერს. ჩვენ ამ ზეწოლას არ შევამცირებთ და რუსეთის ეკონომიკაზე სანქციების გამკაცრებას გავაგრძელებთ.

ჩვენს პარტნიორებთან ერთად მტკიცედ ვდგავართ უკრაინის გვერდით. გავაგრძელებთ უკრაინის მხარდაჭერას ჰუმანიტარული დახმარებით, თავდაცვითი იარაღებითა და დიპლომატიური საქმიანობით, რომ რუსეთის საერთაშორისოდ იზოლირება მოვახდინოთ", — განაცხადა ტრასმა.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში