შინაგან საქმეთა მინისტრი, ვახტანგ გომელაური უკრაინის პრეზიდენტის განცხადებასთან დაკავშირებით ამბობს, რომ ეს მიუღებელია და არც პოლიტიკაში, არც დიპლომატიაში არ ჯდება.

"ომია და არ მინდა უფრო მძიმედ ვისაუბრო ბატონი ზელენსკის მიმართ, რაც თქვა, რომ ამორალურია ჩვენი მთავრობის ქმედება. ეს არის მიუღებელი, რა თქმა უნდა. არანაირად არც დიპლომატიაში ჯდება და არც პოლიტიკაში ჯდება. სამწუხაროა ძალიან.

რაც პრემიერმა გააკეთა, მხარს ვუჭერ, ჩვენ ერთი გუნდი ვართ. ყველაფერი გავაკეთეთ, რაც შეუძლია საქართველოს", — თქვა მან.

პირველ მარტს უკრაინის პრეზიდენტმა საქართველოდან უკრაინის ელჩი გაიწვია. ზელენსკი ამბობს, რომ მიზეზი სანქციებზე "ამორალური პოზიცია" და უკრაინაში მოხალისეების წასვლაში ხელის შეშლაა.