ტანსაცმლის კომპანია Levi's რუსეთში საქმიანობას დროებით აჩერებს. ამის შესახებ კომპანიამ ოფიციალური განცხადება ცოტა ხნის წინ გამოაქვეყნა.

"რეგიონში მიმდინარე მოვლენების გამო ბიზნესის ჩვეულებრივ წარმართვის შეუძლებლობის გამო LS&Co რუსეთში კომერციულ საქმიანობას, ახალი ინვესტიციების ჩათვლით, აჩერებს", — ვკითხულობთ განცხადებაში.

კომპანიის განცხადებით, მიღებული გადაწყვეტილებით დაზარალებული თანამშრომლები შესაბამის კომპენსაციას მიიღებენ.

Levi's $300 000-ზე მეტს უკრაინის დასახმარებლად გადარიცხავს. კომპანია პარტნიორებთან ერთად უკრაინელი ლტოლვილების სამოსით მომარაგების უზრუნველყოფაზეც მუშაობს.

Levi's-ის მიერ რუსეთის ბაზრის დატოვებამ უამრავ ადამიანს ცივი ომის პერიოდი გაახსენა, როცა Levi's-ის ჯინსები კაპიტალიზმთან და თავისუფლებასთან ასოცირდებოდა და საბჭოთა კავშირში აკრძალული იყო.

აღსანიშნავია, რომ Levi's-ის გარდა რუსეთის ბაზარი უამრავმა ცნობილმა ბრენდმა დატოვა, მათ შორისაა Zara, Netflix, Adidas, Apple და ა.შ.

ამავე თემაზე:

როგორ ჩაანაცვლებ(დნ)ენ რუსები ბრენდებს, რომლებმაც რუსეთი დატოვეს — 10 ილუსტრაცია