მეცნიერები და ექიმები დიდი ხანია თანხმდებიან, რომ რძე შეუცვლელი პროდუქტია როგორც ბავშვთა, ისე მოზარდთა კვებაში. თუმცა, ნებისმიერი ცხოველური რძე შეიცავს ლაქტოზას, რძის შაქარს, რომელსაც ყველა ადამიანის ორგანიზმი ერთნაირად არ იღებს. ამ ფიზიოლოგიურ მოვლენას ლაქტოზის აუტანლობას უწოდებენ და ის მსოფლიო მოსახლეობის არცთუ ისე მცირე ნაწილს აწუხებს. ყურყური, მუცლის შებერილობა, დისკომფორტი — ეს ის ხშირი ნიშნებია, რომლებიც ლაქტოზის აუტანლობისას ადამიანებს რძის მიღების შედეგ უვითარდებათ.

დღეს სპეციალური ტექნოლოგიით ულაქტოზო რძის წარმოება უკვე შესაძლებელია. ამიტომ, ადამიანები სულ უფრო იშვიათად ამბობენ უარს ამ აუცილებელ პროდუქტზე. ულაქტოზო რძეს საქართველოშიც ხელმისაწვდომია, თუმცა, აქამდე ის მხოლოდ უცხოეთიდან შემოჰქონდათ და მისი არჩევანიც მწირი იყო. ეს რეალობა მას შემდეგ შეიცვალა, რაც სანტემ პირველი ქართული ნატურალური ულაქტოზო რძე შექმნა.

რატომ გახდა აუცილებელი ულაქტოზო რძის საქართველოში წარმოება და რა კვებითი ღირებულებების მატარებელია პროდუქტი? — ამის შესახებ რძის მწარმოებელი კომპანია სანტე ჯი-ემ-თი პროდუქტების წარმოების ხარისხის მენეჯერს, ლაშა მანძულაშვილს ვესაუბრეთ.

რატომ გადაწყვიტეთ, რომ ულაქტოზო რძე საქართველოშიც გეწარმოებინათ, რატომ გახდა ეს აუცილებელი?

ჩვენი კომპანია მაქსიმალურადაა ორიენტირებული მომხმარებელზე და მუდმივი მონიტორინგის საფუძველზე, ვცდილობთ, მათ ინოვაციური პროდუქცია შევთავაზოთ. ლაქტოზის აუტანლობა ხშირია არა მხოლოდ მოზრდილებში, არამედ ბავშვთა ასაკშიც — მსოფლიოში, საშუალოდ, ყოველი მეხუთე ბავშვი ამ პრობლემით იბადება. ლაქტოზის აუტანლობა საკმაოდ გავრცელებულია ჩვენს პოპულაციაშიც. არადა, მოგეხსენებათ, რამდენად მნიშვნელოვანია, განსაკუთრებით ბავშვებისთვის, ენდემური პროდუქტის მიღება, მით უმეტეს, თუ ის ყველა კვებით ღირებულებას აკმაყოფილებს.

გარკვეული კვლევების საფუძველზე მივედით გადაწყვეტილებამდე, რომ ქართველი მომხმარებლისათვის ადგილობრივი ულაქტოზო რძე შეგვეთავაზებინა. შედეგად, ახლა უკვე გრძელვადიანი უცხოური პროდუქტის ნაცვლად, გვაქვს ადგილობრივი წარმოების ლაქტოზისგან თავისუფალი რძე — "მსუბუქი დღე".

რით განსხვავდება ულაქტოზო რძე და მისი კვებითი ღირებულება ჩვეულებრივი რძისგან?

ლაქტოზის გაუვნებლება რძეში სპეციალური ტექნოლოგიით ხდება, რაც საშუალებას გვაძლევს შევუნარჩუნოთ რძეს ყველა ის ნივთიერება, რომელიც აუცილებელია მიკროელემენტების დღიური ნორმის შესავსებად. თამამად შემიძლია ვთქვა, რომ სანტეს ულაქტოზო რძის წყალობით შეგვიძლია ლაქტოზის აუტანლობასთან დაკავშირებულ ყველა პრობლემას ისე ვებრძოლოთ, რომ, ამავდროულად, სრულფასოვანი რძის მიღება შევძლოთ. ამასთან ერთად, ულაქტოზო რძე ჩვეულებრივისგან განსხვავებით ოდნავ მოტკბო გემოთი გამოირჩევა, რაც ხშირად უფრო მოსწონთ კიდეც როგორც პატარებს, ისე მოზრდილებს.

კონტროლის რა მექანიზმს გადის ულაქტოზო რძე, სანამ ის დახლებზე მოხვდება?

ყველაზე მნიშვნელოვანი მაინც ის არის, რომ წარმოებისას პროდუქტს "ადამიანის ხელი არ ეხება". პროცესი მთლიანად სპეციალიზებული დანადგარების მეშვეობით კონტროლდება. როგორც წარმოების, ისე შეფუთვის მექანიზმი საშუალებას გვაძლევს, დახლებამდე 100%-ით სუფთა და, ამავდროულად, სასარგებლო პროდუქტი მივიტანოთ.

გარდა ამისა, სტანდარტულად, როგორც სანტეს ყველა პროდუქტი, მათ შორის, ულაქტოზო რძეც ხარისხის მკაცრ კონტროლს გადის, რაც გულისხმობს მიკრობიოლოგიურ და ფიზიკურ-ქიმიურ ანალიზს. ყოველი პარტია მოწმდება ლაქტოზის შემცველობაზეც. მინდა დარწმუნებული იყოს სანტეს მომხმარებელი, რომ დახლებზე პროდუქცია მხოლოდ მთელი რიგი კვლევების შემდეგ ხვდება.