საზეიმო კონცერტზე, ჩრდილოეთ კორეამ ალში გახვეული ამერიკის იმიტირებული ვიდეო აჩვენა.

ფხენიანში გამართულ საღამოზე, ორკესტრის მიერ შესრულებული მელოდიის ფონზე გაშვებულ პროპაგანდისტულ ვიდეოში ჩანს, რომ ბომბები ამერიკისკენ მიეშურება.

ვიდეოში ჩანს ამერიკის ცეცხლმოკიდებული დროშა და ქალაქების ნგრევის ყალბი კადრები - ჩვენებას დამსწრე საზოგადოება ტაშით ხვდება.

CNN-ის ინფორმაციით, საღამო ჩრდილოეთ კორეის კომუნისტური სახელმწიფოს დამფუძნებლის, კიმ ირ სენის, დაბადების დღის აღსანიშნავად მოეწყო.