გონჩარენკო: თუ ღარიბაშვილი არ შეიცვლის პოზიციას, უკრაინაში ის იქნება პერსონა ნონ გრატა

25 Feb. 2022, 17:04

უპირველესად, ეს გახლავთ ქართული ეროვნული ინტერესების ღალატი. მეორე — ჩემთვის ეს არის ძალიან მტკივნეული, რადგან დარწმუნებული ვარ, ქართველი ხალხის უმეტესობას ახსოვს, იმ მომენტში, როდესაც რუსული ჯარები მოიწევდნენ და უკვე იყვნენ თბილისის მისადგომებთან, ვინ ჩამოფრინდა მაშინ თბილისში, რათა დამდგარიყო ქართველი ხალხის გვერდით — ეს გააკეთა უკრაინის პრეზიდენტმა.

ეს არის მორალური ღალატიც, როდესაც ჩვენი უახლესი ისტორიის ურთულეს მომენტში გამოდის საქართველოს პრემიერმინისტრი და ამბობს, რომ ჩვენთვის რთული იქნება სანქციების დაწესებაო. არ მაქვს სიტყვები ამაზე. მივმართავ ქართველებს, გამოდით დღეს ჩემს საყვარელ რუსთაველის გამზირზე, მიდით მთავრობასთან და უთხარით მათ, რომ ასე არ უნდა იყოს, რომ ეს არის ღალატი, რომ ასეთი პოზიცია არ შეესაბამება ქართველი ხალხის პოზიციას.

დიპლომატიური ურთიერთობები უკვე გაწყვიტა ჩემმა პრეზიდენტმა რუსეთთან, მე ვიყავი კანონპროექტის ინიციატორი. რაც შეეხება ღარიბაშვილს, მე, რა თქმა უნდა, არ მაქვს უფლებამოსილება, რომ გამოვაცხადო ის პერსონა ნონ გრატად, მაგრამ შემიძლია უკრაინელი ხალხის მხრიდან ვთქვა, თუკი ის არ შეიცვლის დაუყოვნებლივ თავის პოზიციას, უკრაინელი ხალხისთვის ის იქნება პერსონა ნონ გრატა.

ბოლო ამბები:

ალექსეი გონჩარენკო გონჩარენკო: თუ ღარიბაშვილი არ შეიცვლის პოზიციას, უკრაინაში ის იქნება პერსონა ნონ გრატა

კომენტარები

კვირის ტოპ-5

გირჩევთ

ახლა კითხულობენ