საფრანგეთის პრეზიდენტის ემანუელ მაკრონის განცხადებით, უკრაინას 300 მილიონ ევროს გამოუყოფს და სამხედრო ტექნიკით დაეხმარება. ამის შესახებ მაკრონმა მას შემდეგ ისაუბრა, რაც ევროკავშირმა რუსეთს ახალი სანქციები დაუწესა.

ევროკომისიის პრეზიდენტის, ურსულა ფონ დერ ლაიენის ცნობით, პირველ რიგში, მათი პაკეტი მოიცავს ფინანსურ სანქციებს, რომელიც რუსეთის საბანკო ბაზრის 70%-სა და მნიშვნელოვან, მათ შორის თავდაცვის სფეროში არსებულ, სახელმწიფო კომპანიებს შეეხებათ

ომის დაწყების შემდეგ, რუსეთს სანქციები დაუწესეს ამერიკამ, ბრიტანეთმა, კანადამ და იაპონიამაც. კანადის სანქციები შეეხება 62 ფიზიკურ და იურიდიულ პირს, რომელთა შორის ელიტისა და მსხვილი ბანკების წევრები არიან. რაც შეეხება აშშ-ს, პრეზიდენტის, ჯო ბაიდენის თქმით, მათი სამიზნე 4 მსხვილი რუსული ბანკი გახდა, რომელთა საერთო აქტივები 1 ტრილიონ დოლარს აჭარბებს. პარალელურად, ბრიტანეთი ყველა მსხვილ რუსულ ბანკს გაუყინავს აქტივებს და შეზღუდვებს დააწესებს ექსპორტზეც.

პუტინმა უკრაინაში ომი 24 თებერვალს დაიწყო, რომელსაც თავად სპეციალურ "სამხედრო ოპერაციას" უწოდებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

გაიგეთ მეტი: