საკონსტიტუციო კომისიის 18 აპრილის სხდომაზე, ქართულმა ოცნებამ, ირაკლი კობახიძის თავმჯდომარეობით ცვლილებების პროექტის ის ნაწილი წარადგინა, სადაც აღნიშნულია, რომ კონსტიტუციით გაიწერება ევროპულ და ევრო-ატლანტიკურ სტრუქტურებში გაწევრიანება.

"კონსტიტუციურმა ორგანოებმა თავისი უფლებამოსილებების ფარგლებში მიიღონ ყველა ზომა ევროპულ და ევროატლანტიკურ სტრუქტურებში საქართველოს სრული ინტეგრაციის უზრუნველსაყოფად",- აღნიშნული ჩანაწერია ასახული პროექტის 79-ე მუხლში.

ირაკლი კობახიძის თქმით, ამ საკითხზე მმართველი გუნდის უმრავლესობას და ასევე, ოპოზიციურ სპექტრსაც აქვს ჩამოყალიბებული პოზიცია, რომ უმთავრეს პრიორიტეტად განსაზღვრულია ევროპულ და ევროატლანტიკურ სტრუქტურებში ინტეგრაცია:

"ეს კურსი ასახულია ჩვენი კონსტიტუციის მე-11 თავში, გარდამავალ დებულებებში. იყო იურიდიული ნიუანსები, რომ მნიშვნელობის მიუხედავად და ვადის მიუხედავად, ეს ამოცანა მაინც დროებითია თავისი შინაარსით, შესაბამისად მიზანშეწონილად ჩაითვალა გარდამავალ დებულებებში, ანუ დროებითი რეგულაციების წარმდგენ თავში შესაბამისი რეგულაციის გაჩენა".

აღნიშნული ცვლილების ამსახველ ფოტოს ახალგაზრდა იურისტთა ასოციაციის იურისტი, გიორგი გოცირიძე ფეისბუქის საკუთარ გვერდზე აქვეყნებს: