აირზენას (Georgian Airways) პრესსამსახურის ინფორმაციით, მოსკოვში მათი თვითმფრინავი სავალი ბილიკიდან პილოტის მიერ დაშვებული შეცდომის გამო გადავიდა. ამის შესახებ კომპანიის წარმომადგენელმა საზოგადოებრივ მაუწყებელს განუცხადა.

"პილოტის მხრიდან იყო დაშვებული ეს შეცდომა. სამიმოსვლო ბილიკიდან გადავიდა თვითმფრინავი და არა ასაფრენ-დასაფრენი ბილიკიდან და ბორბალი ჩაეფლო ტალახში... ტექნიკური პრობლემები არ იყო, ეს იყო პილოტის გაუფრთხილებლობის ბრალი და კომპანია შესაბამის ზომებს მიიღებს," - აცხადებენ კომპანიის პრესსამსახურში.

გუშინ, 16 აპრილს აირზენას თბილისი-მოსკოვის რეისის თვითმფრინავი, მოსკოვში ჩაფრენისას, მარჯვენა ბორბლით საფრენი ბილიკიდან გრუნტზე გადავიდა და გაჩერდა.