პროკურატურის ინფორმაციით, ახალციხის რაიონულმა სასამართლომ წინასწარი შეცნობით თხუთმეტ წელს მიუღწეველი პირის მიმართ ძალადობის მუქარით, სექსუალური ხასიათის ქმედებების ჩადენის საქმეზე ბრალდებული პირი დამნაშავედ ცნო.

უწყების ცნობით, ბრალდებულმა ძალადობის მუქარითა და დაზარალებულის უმწეობის გამოყენებით არასრულწლოვნის მიმართ რამდენჯერმე განახორციელა სექსუალური ქმედებები.

მათივე განცხადებით, სასამართლომ პირი დამნაშავედ სისხლის სამართლის კოდექსის 138-ე მუხლის მე-4 ნაწილის "ა" ქვეპუნქტით გათვალისწინებული დანაშაულის ჩადენაში და დანაშაულთა ერთობლიობით სასჯელის სახედ და ზომად 15 წლით თავისუფლების აღკვეთა განუსაზღვრა.