კიევში უცნობი პირები თავს დაესხნენ საქართველოს იუსტიციის ყოფილ მინისტრს და უკრაინის გენერალური პროკურორის მრჩეველს, ზურაბ ადეიშვილს. ინფორმაციას უკრაინსკაია პრავდა ავრცელებს.

როგორც ადგილობრივი გამოცემა წერს, ადეიშვილი 4-მა პირმა სცემა. პოლიციასა და პროკურატურაში წყაროზე დაყრდნობით, ისინი მომხდარს საქართველოში მის მოღვაწეობას უკავშირებენ.

გამოცემის ინფორმაციით, ადეიშვილის მდგომარეობა სტაბილურია და საავადმყოფოში იმყოფება. სამართალდამცავების განცხადებით, ამჟამად თავდამსხმელების ვინაობას ადგენენ, რის შემდეგაც საქმეს სამართლებრივი კვალიფიკაცია მიენიჭება.