თბილისის მერიამ "ცისფერყანწელთა ორდენის" წევრი პოეტების ხსოვნისადმი მიძღვნილი მემორიალის ესკიზის გამოსავლენად კონკურსი გამოაცხადა.

მერიის პრესსამსახურის ცნობით, გამარჯვებული ესკიზის მიხედვით შექმნილი მემორიალი თბილისის ტერიტორიაზე, მოქანდაკის მიერ შერჩეულ ადგილზე განთავსდება.

გამარჯვებულ პროექტს ღია კონკურსის საშუალებით საკონკურსო კომისია გამოავლენს.

საკონკურსო განაცხადი მიიღება თბილისის მერიაში, კონკურსის გამოცხადებიდან 70 დღის განმავლობაში. საკონკურსო წინადადებები მათი მიღების დასრულებიდან 10 დღეში საჯაროდ გამოცხადდება.