ვინც კიმ კარდაშიანის ბოლო პერიოდის ჩაცმულობას თვალს ადევნებდა, მარტივად შენიშნავდა, რომ Balenciaga-ს სამოსს მოდელის გარდერობში ცენტრალური ადგილი ეკავა. გასული წლის განმავლობაში კიმ კარდაშიანი სხვადასხვა ღონისძიებაზე Balenciaga-ს სამოსით ბევრჯერ გამოჩნდა.

ბოლო Met Gala-ზე კიმი დემნა გვასალიასთან ერთად მივიდა და ქართველი დიზაინერის მიერ შექმნილი სამოსიც ეცვა. Balenciaga-ს ოფიციალური განცხადებით, კიმ კარდაშიანი ბრენდის ბოლო კამპანიის სახეც გახდა.

Balenciaga-მ ახალი კამპანიის ფარგლებში გადაღებული ფოტოები გაავრცელა, რომლებშიც კიმ კარდაშიანს დემნა გვასალიას მიერ შექმნილ ორ განსხვავებულ სამოსში ვხედავთ. კიმმა ფოტოები თავის ინსტაგრამზეც განათავსა და დემნას მადლობა გადაუხადა.

აღსანიშნავია, რომ Balenciaga-ს გადაწყვეტილებით, ბოლო კამპანიაში კიმ კარდაშიანის გარდა სხვა ცნობილი მსახიობები და მოდელებიც ჩაერთო. კამპანიის ფარგლებში გავრცელებულ ფოტოებში ფრანგი მსახიობი იზაბელ იუპერი გამოჩნდა, რომელიც ბრენდის ერთ-ერთ სამოსს წარადგენს.

ასევე იხილეთ: