ბრიტანეთის პრემიერმინისტრის, ბორის ჯონსონის განცხადებით, ყველა ქვეყანა თავისუფალია, რომ საკუთარი უსაფრთხოების ალიანსი აირჩიოს. მისი თქმით, კრემლის ამბიციები გაგრძელდება და უკრაინა არ იქნება ერთადერთი, რომელიც რუსეთის გავლენის სფეროში დაბრუნდებოდა.

"რუსეთი ცდილობს ამ მნიშვნელოვან მიღწევას ძირი გამოუთხაროს და ევროპის უსაფრთხოების რუკა გადახაზოს, ცდილობს ახალი იალტასა და გავლენის ზონების დამყარებას. მხოლოდ უკრაინა არ იქნება, რომელიც რუსეთის გავლენის სფეროში დაბრუნდებოდა, უნდა ვიფიქროთ საქართველოზე, მოლდოვასა და სხვა ქვეყნებზე. ამიტომ ეს მომენტი ძალიან კრიტიკულია, სასიცოცხლოდ მნიშვნელოვანია, რომ ჩვენ უკრაინის გვერდით ვიდგეთ ისე, როგორც ვართ", — აღნიშნა მან.

ბორის ჯონსონი დღეს უკრაინაში ჩაფრინდა და პრეზიდენტ ვოლოდიმირ ზელენსკის შეხვდა. მისი თქმით, საფრთხე ნათელია და ამის გამწვავებას აშშ და დიდი ბრიტანეთი არ ცდილობენ.

უკრაინის საზღვრებთან სიტუაცია უფრო და უფრო იძაბება. 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება. ბოლო ინფორმაციით, რუსეთს უკრაინის საზღვრებთან 100 ათასამდე სამხედრო ჰყავს მობილიზებული.

გაიგე მეტი: