იანვრის დასაწყისში ოსკაროსანმა მსახიობმა შონ პენმა საზოგადოების ყურადღება ფემინურობისა და მასკულინობის საკითხთან დაკავშირებული მოსაზრებით მიიქცია, რომელიც მან ახალი ფილმის, Flag Day-ის განხილვისას გამოთქვა.

"ადამიანთა იმ ჯგუფს მივეკუთვნები, რომლებიც ფიქრობენ, რომ ამერიკული კულტურა ფემინური გახდა. არ ვფიქრობ, რომ უხეშობა ან ქალების მიმართ უგრძნობლობა და უპატივცემულობა მასკულინობას უკავშირდება ან უკავშირდებოდა. მაგრამ არც იმას ვთვლი, რომ ქალებთან თანასწორობისთვის ჩვენც ქალებად უნდა ვიქცეთ", — განაცხადა მსახიობმა.

ცოტა ხნის წინ შონ პენი შვილთან ერთად Flag Day-ის შესახებ გამოცემა Independent-თანაც ისაუბრა. საუბრისას ჟურნალისტმა აღნიშნული ფრაზის შესახებ კიდევ ერთხელ ჰკითხა, რის შემდეგაც მსახიობმა ფემინურობისა და მასკულინობის შესახებ საკუთარი მოსაზრებები კიდევ ერთხელ დააზუსტა:

"ვფიქრობ, კაცები ფემინურები გახდნენ. ჩემს ცხოვრებაში ბევრი ძლიერი ქალია, რომელიც მასკულინობას ჩაგვრად არ აღიქვამს. ვფიქრობ, მშიშარა გენები აიძულებს კაცებს, რომ ჯინსები დათმონ და კაბები ჩაიცვან", — განმარტა შონ პენმა.

შონ პენის კომენტარმა არაერთგვაროვანი რეაქცია გამოიწვია და ის ტვიტერზე უამრავმა ადამიანმა გააკრიტიკა:

"მეცოდება შონ პენი. მან ამერიკის ისტორიაში ერთ-ერთი ყველაზე საკულტო ქვიარ ლიდერის განსახიერებისთვის ოსკარი მოიპოვა და როლისთვის გაწეულმა მოსამზადებელმა სამუშაომაც კი ვერ გაათავისუფლა გენდერის საკითხთან დაკავშირებული დაუცველობის შეგრძნების ციხიდან. შონ პენად ყოფნა უკვე სასჯელია".

"უბრალოდ გეუბნები, შონ პენ"

"უბრალოდ შეგახსენებთ, რომ შონ პენს ოჯახში ძალადობაში ადანაშაულებდნენ და მანვე თქვა, რომ #MeToo მოძრაობის მიზანი "კაცებისა და ქალების დაყოფაა"