შინაგან საქმეთა სამინისტროში აცხადებენ, რომ გურჯაანში გოგოს მოტაცების შესახებ ინფორმაცია მათთან გუშინ შევიდა და გამოძიება დაიწყო სისხლის სამართლის კოდექსის 143-ე მუხლით, რაც თავისუფლების უკანონო აღკვეთას გულისხმობს და ისჯება პატიმრობით ორიდან ოთხ წლამდე.

შინაგან საქმეთა სამინისტროს განცხადებით, გატაცებულმა გოგომ შსს-ს იანვარში მიმართა, იმის თაობაზე, რომ კონკრეტული პიროვნება აწუხებდა, შსს-ს მტკიცებით, პოლიციამ რეაგირება მოახდინა, გასაუბრების ოქმი შედგა და პირს გაფრთხილება მისცა, თუმცა ამის შემდეგ გოგოს სამართალდამცავებისთვის აღარ მიუმართავს.

შსს-ს განცხადებით, ამ ეტაპზე საგამოძიებო მოქმედებები მიმდინარეობს და დამატებითი დეტალები ცნობილი არ არის.