თბილისის საქალაქო სასამართლომ ოჯახში ძალადობასა და ოჯახის წევრის მიმართ განხორციელებულ მუქარაში წარსულში რამდენჯერმე ნასამართლევი პირი დამნაშავედ სცნო. მას 7 თვით და 15 დღით თავისუფლების აღკვეთა მიესაჯა.

პროკურატურის ინფორმაციის თანახმად, 2016 წლის 26 აგვისტოს ბრალდებული მივიდა მშობლების საცხოვრებელ სახლში და დედას ტელეფონის აპარატი ესროლა, რომელიც ამ უკანასკნელს სახის არეში მოხვდა.

ბრალდების მხარის ცნობით, იგი დედამისს ასევე სიცოცხლის მოსპობითა და ჯანმრთელობის დაზიანებით დაემუქრა, რომელსაც მუქარის განხორციელების საფუძვლიანი შიში გაუჩნდა. სამართალდამცველებმა იგი იმავე დღეს დააკავეს.