ყველა დროის ერთ-ერთი გამორჩეული სერიალის, დექსტერის ახალმა სეზონმა, სახელად Dexter: New Blood ახალი რეკორდი დაამყარა და Showtime-ის ყველა დროის ყველაზე პოპულარული სერიალის ტიტული მოიპოვა. 10-ეპიზოდიან სერიალს ყოველ კვირას დაახლოებით 8 მილიონი ადამიანი უყურებდა.

აღსანიშნავია, რომ სეზონის ფინალური ეპიზოდი განსაკუთრებულად პოპულარული აღმოჩნდა და ის ერთ დღეში 3-მა მილიონმა მაყურებელმა ნახა.

"ძალიან გვიხარია ის გამოხმაურება, რომელიც ბოლო 10 კვირის განმავლობაში Dexter: New Blood-ის ფანებისგან მივიღეთ. მიუხედავად იმისა, მოეწონათ ფინალი თუ გაუჭირდათ იმ აზრთან შეგუება, რომ სერიალი დასრულდა, მათ ენთუზიაზმს ვაფასებთ", — აცხადებენ Showtime-ში

დექსტერი 2006-2013 წლებში გადიოდა. Dexter: New Blood-ში მოვლენები ბოლო სეზონიდან 10 წლის შემდეგ ვითარდება. სერიალის მთავარი გმირი ახალი სახელით ახალ ქალაქში ცხოვრობს, თუმცა ძველი ჩვევები მარტივად დავიწყებადი სულაც არაა.