დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ბუსტერი არის ომიკრონის შტამის ერთ-ერთი მთავარი შემაკავებელი. მისი თქმით, დღევანდელი მონაცემებთ, 86 000-მდე ადამიანია აცრილი ბუსტერ დოზით.

"პირველი რეკომენდაცია მაინც გახლავთ აცრა, იმიტომ რომ შემთხვევებმა, ჩვენ როცა ვაანალიზებთ, გვაჩვენა, რომ მე-3 აცრა სერიოზულად იცავს. ანუ ბუსტერიზაცია არის მთავარი, ერთ-ერთი მთავარი შემაკავებელი. შემაკავებელი მექანიზმი ეპიდემიის შემდგომი გავრცელების. ამიტომ ყველას გთხოვთ, ვისაც არ გაგიკეთებიათ ბუსტერი, მიბრძანდეთ და გაიკეთოთ. თქვენი ოჯახის წევრებს მოუწოდეთ. 86 000-მდე დღევანდელი მონაცემით აცრილია უკვე მე-3 აცრით, ბუსტერით.

მან ასევე ისაუბრა, რომ Pfizer-ის ბუსტერ დოზის შემთხვევაში 70-80%-ით მცირდება ომიკრონით ინფიცირების შემთხვევები. მისი თქმით, ივლისამდე მოსახლეობის 70-% უნა იყოს აცრილი.

გამყრელიძემ ასევე თქვა, რომ კორონავირუსის დადასტურებული შემთხვევებიდან 45% ომიკრონია და ეს მაჩვენებელი მზარდია.