ავთანდილ წერეთლის ადვოკატი, კახა წერეთელი დღევანდელ სასამართლო პროცესთან დაკავშირებით აცხადებს, რომ ერთადერთი სამართლებრივი მოლოდინი შეიძლება იყოს გამამართლებელი განაჩენი, სხვა გადაწყვეტილება ოდნავ ობიექტური მსჯელობის შემთხვევაში შეუძლებელია.

"არანაირი მტკიცებულება ფულის გათეთრებაზე ნამდვილად არ არსებობს, ხშირად მეკითხებიან მოლოდინებს, მხოლოდ ერთადერთი სამართლებრივი მოლოდინი შეიძლება იყოს, ეს არის გამამართლებელი განაჩენი. სხვა გადაწყვეტილება ოდნავ ობიექტური მსჯელობის შემთხვევაში შეუძლებელია, რომ გამოვიდეს", — განაცხადა მან TV პირველის კითხვის პასუხად.

დღეს ხაზარაძე-ჯაფარიძე-წერეთლის ე.წ. ფულის გათეთრების საქმეზე ბოლო სასამართლო სხდომა იმართება. პროცესი 11:00 საათზე იყო ჩანიშნული.