გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ბათუმში, მძაფრი სუნის გავრცელების ფაქტზე საქმისწარმოება რამდენიმე მიმართულებით დაიწყეს. ამის შესახებ On.ge-ს უწყების პრესსამსახურმა განუცხადა.

მოქალაქეები ბოლო რამდენიმე საათია ამბობენ, რომ ბათუმში გაზის სუნია. გავრცელდა ინფორმაცია ზღვაში საწვავის ჩაღვრის შესახებ. გარემოსდაცვითი ზედამხედველობის სამსახურში აღნიშნავენ, რომ ზღვის დაბინძურების ფაქტი არ გამოვლინდა.

"აჭარისა და გურიის რეგიონული სამმართველოს ინსპექტორების მიერ, ბათუმის პორტის უნაპირო ნავმისადგომზე, ნედლი ნავთობით გემის დატვირთვის ფაქტზე შესწავლა დაწყებულია", — აღნიშნავენ უწყებაში.