თურქეთის ელჩი საქართველოში ზექი ლევენთ გუმრუქჩუ გაზეთ კვირის პალიტრასთან ინტერვიუში აცხადებს, რომ არასწორია მოსაზრება იმის შესახებ, რომ თურქეთი ერჩის ევროპას და შორდება მას, ხოლო ევროკავშირი ყველაფერს აკეთებს თურქეთთან ურთიერთობის შესანარჩუნებლად.

"თურქეთ-ევროკავშირის ურთიერთობას თუ დაუკვირდებით, ნახავთ, რომ სწორედ ევროკავშირი არ ასრულებს საკუთარ დაპირებებს. 2004 წლიდან თურქეთსა და ხორვატიას კანდიდატი ქვეყნების სტატუსი მიენიჭათ, დღეს კი ხორვატია ევროკავშირის წევრია, ჩვენ კი მოლაპარაკებების 40-ე ქვეთავიდან მხოლოდ 4-5-ზე დავიწყეთ დისკუსია და ვერც ერთზე მივაღწიეთ დისკუსიას, სამეცნიერო თანამშრომლობაზეც კი. რატომ? იმიტომ, რომ ევროკავშირმა პოლიტიკური მოსაზრებების გამო ეს პროცესი გაყინა. ჩვენ გვსურს, რომ ეს პროცესი გაგრძელდეს, მიუხედავად იმისა, რომ წლებია უარით გვისტუმრებენ. ასე რომ, როგორც კანდიდატ ქვეყანას, ევროკავშირი თურქეთს უსამართლოდ ექცევა".

ზექი ლევენთ გუმრუქჩუმ ინტერვიუს დროს თურქეთ-საქართველოს ურთიერთობებზეც ისაუბრა და განაცხადა, რომ თურქეთს არანაირი ტერიტორიული პრეტენზიები არ აქვს ქართულ მიწაზე.