თურქეთის ელჩი საქართველოში ზექი ლევენთ გუმრუქჩუ გაზეთ კვირის პალიტრასთან ინტერვიუში აცხადებს, რომ თურქეთს საქართველოს ტერიტორიების მიერთების პრეტენზია არ აქვს.

გუმრუქჩუს თქმით, ამ თემაზე საუბარი მისთვის უკვე უსიამოვნო სიურპრიზად იქცა.

"კიდევ ერთხელ განვმარტავ: თურქეთს არანაირი ტერიტორიული პრეტენზიები არ აქვს ქართულ მიწაზე. ერთი გოჯი ქართული მიწაც კი არ გვინდა, აჭარისა და ბათუმის ჩათვლით. ყარსის ხელშეკრულება უვადოდ გაგრძელდა და მას სრულ პატივისცემას ვუცხადებთ. ყარსის ამ ხელშეკრულების მიხედვით, ბათუმი და აჭარა საქართველოს განუყოფელი ნაწილებია და ეს არასდროს შეიცვლება".