გირჩის ლიდერი, იაგო ხვიჩია ფიქრობს, რომ თუ ადამიანი პატიმარია, მისი რუსთავის ციხეში გადაყვანა არავის უნდა გაუკვირდეს. ასე ეხმაურება ის ექსპრეზიდენტ მიხეილ სააკაშვილის გორის ჰოსპიტალში გადაყვანას. ხვიჩიას აზრით, ნაციონალური მოძრაობის სტრატეგია ექსპრეზიდენტის გორის სამხედრო ჰოსპიტალში გადაყვანაზე თავიდანვე მცდარი იყო.

"თუ ადამიანი არის პატიმარი, მემგონი, არავის გაუკვირდება, რომ ის ციხეში გადაჰყავდეთ. ამიტომ, მე თავიდანვე ვამბობდი, რომ ნაციონალური მოძრაობის სტრატეგია, მიხეილ სააკაშვილის გორის კლინიკაში გადაყვანის შესახებ იყო მცდარი. მათ თავიდანვე, მეორე დღიდანვე უნდა მოეთხოვათ ის, რასაც ჩვენ ვურჩევდით. კერძოდ, მიხეილ სააკაშვილის გადაყვანის მოთხოვნა საზღვარგარეთ", — განაცხადა მან.

გუშინ, 29 დეკემბერს სააკაშვილის ადვოკატებმა გაავრცელეს ინფორმაცია, რომ ექსპრეზიდენტი გორის ჰოსპიტლიდან რუსთავის მე-12 დაწესებულებაში გადაიყვანეს. ოფიციალური განცხადება უწყებამ მხოლოდ ახლა გაავრცელა.

დღეს პენიტენციურმა სამსახურმა ინფორმაციის გავრცელებიდან 9 საათის შემდეგ, დაადასტურა, რომ სააკაშვილი რუსთავის ციხეშია.