დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, ზრდასრულ მოსახლეობაში ვაქცინაციის სამიზნე მაჩვენებლის 60%-იან გეგმას წელს ვერ შეასრულებენ. ამის შესახებ მან საკოორდინაციო საბჭოს სხდომის შემდეგ ისაუბრა.

"დაახლოებით, 40%-ზე გავალთ ორჯერადი აცრილების მოზრდილი მოსახლეობის ანუ 60% გვქონდა დასახური. გიდასტურებთ, რომ წლევანდელ გეგმას ჩვენ ვერ შევასრულებთ. ახლა იწერება განახლება ამ გეგმის, მთავრდება, რომლითაც ახალი სამიზნე იქნება ივლისისთვის 70%-ზე ასვლა, ოღონდ დაყოფილია, ამ პროცენტზე როგორ უნდა ავიდეთ", — აღნიშნა მან.

28 დეკემბრის მონაცემებით, საქართველოში კორონავირუსის 2 676 ახალი შემთხვევა დადასტურდა, გამოჯანმრთელდა — 2 966, ხოლო გარდაიცვალა 63 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: