ჯანდაცვის ყოფილმა მინისტრმა, ეკატერინე ტიკარაძემ ახალი მინისტრი, ზურაბ აზარაშვილი სამინისტროს თანამშრომლებს წარუდგინა. მან აზარაშვილს უთხრა, რომ ამ პოსტზე ისეთ გამოცდილებას მიიღებს, რომელიც მას შემდგომ საქმიანობაშიც გამოადგება.

"წინ ძალიან საინტერესო გამოწვევები გელით. სამომავლო საქმიანობაში წარმატებებს გისურვებთ. სამინისტროში ძალიან დიდ გამოცდილებას მიიღებთ, რომელიც შემდგომ საქმიანობაშიც გამოგადგებათ. დარწმუნებული ვარ, რომ ყველა სირთულეს და მნიშვნელოვან გამოწვევას თავს წარმატებით გაართმევთ", — განაცხადა მან.

პრემიერმინისტრმა, ირაკლი ღარიბაშილმა ჯანდაცვის ახალი მინისტრი დღეს, 27 დეკემბერს წარადგინა. წარდგენისას მან თქვა, რომ აზარაშვილი "უაღრესად წესიერი და განათლებული ადამიანია". ღარიბაშვილმა აღნიშნა ისიც, რომ ის ექიმების ოჯახშია გაზრდილი და 5 შვილის მამაა.

ზურაბ აზარაშვილი ჯანდაცვის მინისტრობამდე თავდაცვის მინისტრის მოადგილის პოსტს იკავებდა, იქამდე კი იყო ამავე უწყების სამხედრო სამეცნიერო-ტექნიკური ცენტრ დელტას გენერალური დირექტორი. აზარაშვილის ბიოგრაფიის მიხედვით, რომელიც სამინისტროს საიტზეა განთავებული, მას ჯანდაცვის სფეროში მუშაობის გამოცდილება არ აქვს.