სახელმწიფო უსაფრთხოების სამსახურის ინფორმაციით, ხაშურის მუნიციპალიტეტის სოფელ ლოპანის მიმდებარედ ოკუპანტებმა საქართველოს ორი მოქალაქე გაიტაცეს.

სუს-ის განცხადებით, მომხდარზე ინფორმირებული არიან ევროკავშირის სადამკვირვებლო მისია და ჟენევის დისკუსიების თანათავმჯდომარეები. მათივე თქმით, მოქალაქეების უმოკლეს დროში გათავისუფლების პროცესში, სუს-თან ერთად, საერთაშორისო პარტნიორებიც არიან ჩართულნი.

"უკანონო დაკავებები მნიშვნელოვნად ართულებს საოკუპაციო ხაზსა და ოკუპირებულ ტერიტორიებზე არსებულ უსაფრთხოების გარემოს და საფრთხეს უქმნის ადგილობრივების ყოველდღიურ ცხოვრებას. უკანონო დაკავებებზე სრული პასუხისმგებლობა ეკისრება რუსეთის ფედერაციას", — აცხადებს სახელმწიფო უსაფრთხოების სამსახური.